Ngjarjet e fundit në Elbasan dhe mediatizimi i tyre kanë vënë në Lëvizje policë e Prokurorë të cilët janë mbledhur në një takim për të analizuar veprimet e deritanishme nga ana e bardhebluve si edhe për të vendosur mbi mënyrën se si do të parandalohen këto veprime.
Ky takim është bërë me thirrjen e drejtuesit të Prokurorisë për Krime të Rënda, Besim Hajdarmataj.
Sjellim ndërmend se pak ditë më parë, në lagjen ‘Syrja Dylgjeri’ në Elbasan, një mjet i policisë u godit nga një mjet i blinduar tip ‘Audi’. Ngjarje kjo e cila shkaktoi mjaft debate dhe akuza ndaj policisë, që nuk ndërhyri pavarësisht se autorët cënuan pikërisht figurën e Policisë së Shtetit.
Pas ngjarjes u zbulua se makina e blinduar ishte në pronësi të biznesmenit Petrit Çela dhe policia e ka shpallur në kërkim.
Më vonë lidhur me ngjarjen janë arrestuar edhe 3 persona. Mirëpo biznesmeni Petrit Çela i ka konsideruar këto vetëm mashtrime dhe me anë të avokatit të tij ka kallëzuar në Prokurorinë e Krimeve të Rënda 6 efektivë, ndër ta dhe Gjergj Oshafin, Nëndrejtorin e Policisë.
Kujtojmë se veprimet e Policisë vijnë pasi gazetari Blendi Fevziu publikoi një video të ngjarjes në emisionin e tij “Opinion” dhe policët zbarkuan në studion e tij, ndërkohë që për të kapur bandën e Elbasanit nuk është bërë asnjë punë. (D.D/Shuplaka)
Discussion about this post