Ministrja e Drejtësisë Etilda Gjonaj, ka prezantuar Drejtorin e Përgjithshëm të Policisë së Burgjeve, i cili do të jetë Bardhyl Kaçorri, që zëvendëson Enrik Sulejmanin i cili u shkarkua nga detyra më 10 tetor, pas përplasjeve për transferimin e Elvis Martinajt në spitalin e Burgut.
I pranishëm në prezantimin e drejtorit të ri ka qenë edhe kryeministrin Ram,a i cili në fjalën e tij ka folur për sistemin e ri të sigurisë që do të implementohet për personazhet e spikatur të krimit nëpër burgje ku do të jenë rreptësisht të monitoruar.
Duke iu referuar drejtorit të ri, Rama tha se kishte dëgjuar fjalë të mira për të, se ai ishte njeriu i duhur.
Megjithatë kryeministri duke marrë shkas nga ngjarjet e fundit ku përgjimet çuan në pranga dy ish-deputetë të PS-së, njëri prej të cilëve ish-drejtor i Përgjithshëm i Burgjeve, Rama tha se drejtori i ri duhet të veprojë me men në kokë.
“Unë dëshiroj ti uroj drejtorit sukses, t’i uroj që kokëfortësinë që nuk e ka të shkruar në CV, ta ketë në të përditshmen ashtu sic e tregon edhe fama që ka lënë në punën e tij duke qenë i respektuar nga të gjithë kolegët, dhe për ta mbyllur do t’ju them diçka, është shumë e vështirë që të kërkosh opinione nëpër njerëz dhë të marrësh opinione të ngjashme ose të njëjta, në rastin e drejtorit na ka ndodhur pikërisht kjo, dhe kjo, dhe për herë të parë unë kam dëgjuar ofice policie që nuk shajnë njëri-tjetin, përkundrazi fjalët më të mira. Uroj që të mos përfundojë në ndonjë kronikë ku pastaj drejtori na del që s’ësht i duhuri, por secili varet nga koka, shpatullat dhe këmbët e veta, kështu që shumë suksese që të gjithëve dhe me mend në kokë se ka shmë rëndësi kjo, sidomos kur je nën uniformë”, tha Rama. (B.H/Faxweb)
Discussion about this post