Ngjela i çliruar: Çështja e Vettingut u mbyll!

Avokati i njohur Spartak Ngjela deklaron se çështja e Vettingut është mbyllur.

Në një postim në rrjetet sociale ai shkruan: “Otomanët e fundit në Shqipëri nuk kanë më shpresë, Venecia e mbylli çështjen e Vetingut në favor të ligjit, bashkë me “përkthimin” e kalanderëve mediokër të Saliut.”

Ndër të tjera Ngjela rendit tre faktorë, që sipas tij janë antieuropianë dhe më vonë do të shkruhen në Historinë e Shqipërisë. Në një nga këta tre faktorë bën pjesë edhe ish-kryeministri Berisha.

“Historia europiane e Shqipërisë që do të shkruhet pas disa vjetësh, mendoj se tre faktorë antieuropianë të Shqipërisë do të radhisë në harkun e pesëqind vjetëve: Perandorinë Osmane në Shekullin e XV-të, lëvizjen esadiste të viteve 1912-1919, dhe hordhitë Berisha në Shekullin e XXI.”

Megjithatë avokati i njohur shton se “Koha europiane e Shqipërisë ka filluar” dhe gongu do të bjerë në datën 10 dhjetor të këtij viti.