Ngjela deklarata të forta ndaj opozitës: Populli do të marrë dru dhe do t’i bjerë

Spartak Ngjela ka lëshuar deklarata të forta ndaj opozitës duke thënë se Populli do të marrë dru dhe do t’i bjerë asaj.

Ngjela argumentoi se ka 25 vjet që kërkohët të hyhet në BE dhe nuk mund të vihen kushtye ndaj saj, por sipas tij kur ai të thotë “nuk e dua këtë”, ti do të thuash “si urdhëron”.

“Opozitën do ta braktisë populli sepse ndërkombëtarët folën drejtpërdrejtë, pa ekuivok. Ata thanë që opozita do të bëhet shkak për të mos hyrë në Evropë. Populli do të marrë dru dhe do t’i bjerë opozitës. Ti ke 25 vjet që kërkon të hysh në BE dhe nuk mund të vësh kushte. Kur ai të thotë “nuk e dua këtë”, ti do të thuash “si urdhëron”.

Edhe sikur t’i ketë kushtet mizerabël Evropa, ti duhet t’i pranosh sepse vetë ke kërkuar që të futesh në Evropë. Nuk mund të pranojë Perëndimi që t’i thuash janë vjedhur zgjedhjet pa vendim gjykate”, u shpreh Ngjela.

“Nëse ka forcë opozita, le t’i bindë ndërkombëtarët”, shtoi Ngjela në emisionin Open.