Avokati Spartak Ngjela ka komentuar mosarritjen e një zgjidhje për krizën politike nga dy negociatorët e ardhur nga Brukseli. Ngjela u shpreh se nga kjo përpjekje Rama ka dalë i fituar.
Ai vazhdoi tezën e tij duke thënë se Rama i ka kapur të djathtët me procesin e vettingut dhe se ai po ndjek politikën e SHBA-ve
“Rama ka bërë aleancë me Washingtonin dhe Berlinin. Rama ndjek politikën e tyre për vettingun.
Do të ndërrohen të gjithë shefat e policisë, do të vijnë me propozim amerikan, do ta marri ai (SHBA-të) policinë.
Garancinë për zgjedhjet po ua jep perëndimi. U kanë thënë këtyre (të djathtëve) ne bëhemi garant të zgjedhjeve, nuk e destabilizon dot.
Rama i ka kapur tek vettingu”,- tha Ngjela në emisionin Opinion.
Ngjela shtoi më tej se Basha nuk kërkon garancinë e zgjedhjeve, por destabilizminin e vendit, ndaj edhe PD duhet të marrë masa urgjente për të ndërruar kreun e partisë dhe lidershipin. (M.D/ Shuplaka)
Discussion about this post