Avokati i njohur Spartak Ngjela, i ftuar në emisionin “Studio e Hapur” të gazetares Eni Vasili, komenton deklaratat e fundit të kreut të Kuvendit Ilir Meta, pas përfundimit të mbledhjes së djeshme të Kryesisë së LSI-së.
Sipas Ngjelës, deklaratat e Metës për një “qeveri besimi” dhe lënia në dispozicion e mandateve për Partinë Demokratike, është veçse një përpjekje për të vitalizuar PD-në, Bashën dhe Berishën.
“Meta nuk thotë qeveri teknike, por qeveri besimi. Sipas opinionit tim, Meta nuk e do vettingun, po pse nuk ka hyrë në çadër është çështje tjetër. Meta mendon që me politikë t’i shpëtojë presionit të madh që mund të vijë nga reforma në drejtësi, nga ndonjë padi penale e mundshme. Meta e pa që dështoi PD, Basha dhe Berisha dhe kërkon t’i vitalizojë, duke thënë jam edhe unë në këtë problem anti-vetting. Nëse nuk është kështu, atëherë ngelet vetëm reforma në drjetësi. Edhe ambasadorët për këtë reformë kanë ardhur, jo për qeveri teknike. Kryeministri aktual ka votat e qytetarëve. Interesi amerikan në Shqipëri sot konvergon në një pikë, tek reforma në drejtësi. qeveria teknike është një flluskë sapuni që nuk ka asnjë vlerë për zgjedhjet. Nuk ka mocion mosbesimi kushtetuta shqiptare, por mocion besimi që bën kryeministri vetë. Kështu është kushtetuta aktuale. Çështja qëndron në pikën që këta nuk e mundin dot politikën amerikane”, deklaroi Ngjela.
Ndër të tjera, avokati socialist shton se kreun e LSI-së nuk e sheh dot si kryeministër pasi nuk i merr votat e PS-së. Sipas Ngjelës, Rama i ka 71 vota. (D.D/Shuplaka)
Discussion about this post