“Ngjyra bardhezi” si tek Juventusi, Del Piero bëhet pronar i një ekipi futbolli

Legjenda e Juventusit, Alessandro Del Piero është bërë pronar i një ekipi futbolli në Los Anxhelos në Ligën e tretë amerikane.

Del Piero do të jetë pronari i ri i ekipit të “LA 10 FC”, ku e ka blerë skuadrën amerikane gjatë verës, por që tashmë ka vendosur ta bëjë publike.

Në një postim në rrjetin social Facebook, ish-numri 10 i skuadrës së Juventusit shkruan:  “Në fund të verës së kaluar vendosa të bëhem pronar i një ekipi të vogël futbolli të bazuar në Los Anxhelos, në partneritet me EDGE Americas Sports, për të cilën unë jam bashkë-themelues dhe partneri im i biznesit Jeffrey Whalen.

Kjo aventurë më fitoi menjëherë dhe sot po e zbuloj zyrtarisht këtë lajm të mrekullueshëm për herë të parë. Ekipi quhet LA 10 FC, ngjyrat tona janë të zeza dhe të bardha.”

Ndër të tjera ish-lojtari i “Zonjës së Vjetër” shkruan se skuadra e re e tij do të rikthehet në fushë në pranverë dhe si pronar i një skuadre tregon se është një ndjenjë e veçantë.