Ngrica dhe dëborë në vend, i bllokuar segmenti Qafë Kashar-Rinas

Një pjesë e madhe e vendit sot është gëdhirë me rreshje dëbore dhe ngrica. Temperaturat  në shumë qytete të vendit kanë qenë nën zero gjatë natës. 

Segmenti Qafë–Kashar Rinas, është bllokuar në të dy senset e lëvizjes si pasojë e ngricave në rrugë, të cilat përbëjnë burim aksidenti.  Lëvizja është devijuar në rrugën e vjetër Vorë-Rinas.

Po kështu dhe rruga e Farkës ka prezence akulli. Gjithashtu kujdes shferët duhet të tregojnë edhe në rrugën e Dajtit. Policia Rrugore ka shtuar sherbimet ne rruge per te ndihmuar dhe orientuar qarkullimin deri sa te normalizohet situata.

Madje ka pasur edhe një aksident në Rrashbull të Durrësit, një mjet ka dalë nga rruga si pasojë e shpejtësisë së madhe. Nuk ka persona të lënduar por vetëm dëme materiale. (J.V/Faxweb)