Temperaturat e ulëta me ngrica e reshje dëbore nuk kanë pezulluar vetëm punën e institucioneve arsimore, por edhe atë të Teatrit Kombëtar.
Në një njoftim të publikuar në rrjetet sociale Teatri Kombëtar njofton se ngricat kanë prekur tubacionet që furnizojnë me ujë kaldajën e këtij institucioni.
“Teatri Kombëtar ju njofton se pët shkak të temperaturave shumë të ulëta të këtyre ditëve, ngrica ka prekur tubacionet që furnizojnë me ujë kaldajën e teatrit duke e bërë të pamundur funksionimin e saj.”, thuhet në njoftim.
Sakaq bëhet me dije se shfaqjet e programuara për datat 12-13-14-15 Janar nuk do të jepen.
Teatri Kombëtar i kërkon ndjesë publikut për këtë pezullim të shfaqjeve duke premtuar një rikthim sa më të shpejtë. (D.D/Shuplaka)
