Nga dëbora dhe moti i ftohtë një pjesë e rrugëve të vendit kanë pasur probleme në qarkullim. Sipas Ministria së Transportit kjo është situata në akset kombëtare paraqitet si më poshtë:
Në Rajonin Verior Shkodër: Në shumicën e akseve të këtij Rajoni qarkullimi i mjeteve bëhet pa zinxhirë. Në segmente të caktuata rekomandohen zinxhirët, për shkak të erërave të forta, temperaturave të ulëta që shkaktojnë ngrica në rrugë.
Në Rajonin Qëndror Tiranë: Në akset e këtij Rajoni, qarkullimi është normal, me përjashtim të segmenteve Qafë Mollë – Bizë dhe Trau Teleferik – Vilat Qeveritare – Antena Dajt. Në Qafë Thanë kalimi kryhet pa zinxhirë.
Në Rajonin Jugor Gjirokastër: Në Qarkun e Korçës, gjatë natës ka patur rreshje bore 10 – 35 cm, shoqëruar me erëra të forta.
Me zinxhirë qarkullohet në akset Korçë – Voskopojë, K/Boboshticë – Dardhë, në Qarr, Ersekë -Leskovik, Korcë – Kapshticë dhe në segmentin Liqenas -Dogana Goricë. Pas rreshjeve të dendura të borës, që ranë mbrëmë në Llogora, (rreth 50 cm), nga kontraktori u bë pastrimi i aksit dhe kriposja e tij. Sot qarkullimi është pa zinxhirë. (J.V/Shuplaka)
