Që prej mëngjesit të sotëm naftëtarët e Ballshit janë ngritur sërish në protestë. Ata janë pozicionuar përballë godinës së prefektit të Fierit dhe kërkojnë që të ndërhyjë në organet kompetente për të zgjidhur problemet e tyre, që kanë të bëjnë me pagat e prapambetura dhe siguracionet e papaguara nga kompania e naftës ku kanë punuar.
Naftëtarët kanë tentuar të hyjnë brenda në Prefekturën e Fierit por nuk janë lejuar nga forcat e policisë. Ata kanë paralajmëruar sërish një marshim drejt Tiranës, për të kërkuar të drejtat e tyre.
Sjellim në vëmendje që ata kanë protestuar edhe pak ditë më parë për të njëjtën kauzë. (J.V/Faxweb)
