Për të kontrolluar veprimet dhe mosveprimet e organeve shtetërore në parandalimin dhe goditjen e fenomenit të kultivimit dhe trafikut të lëndëve narkotike, përfshirë çështjen për të cilën Prokuroria po heton z. Saimir Tahiri ish-Ministër i Brendshëm, është ngritur një komision hetimor.
Fax News raporton se do të verifikohet çdo lloj dyshimi për ndikim të paligjshëm në ushtrimin e ndjekjes penale në mënyrë të pavarur nga organet kompetente të ngarkuara me ligj, në hetimin penal të këtij rasti.
Ky hetim do të synojë mbrojtjen e parimit të ndarjes dhe balancimit të pushteteve, shtetin e së drejtës dhe demokracinë funksionale, me qëllim parandalimin e pasojave negative përshtetin, qytetarët dhe interesin publik si dhe nxjerrjen e përgjegjësive konkrete institucionale.
Komisioni hetimor, i ngritur sipas këtij vendimi, bashkë me raportin përfundimtar i paraqet Kuvendit në seancë plenare rekomandime në lidhje me nxjerrjen e përgjegjësive institucionale, ndryshime apo miratime ligjesh, dhe sipas rastit, njoftimin e organeve përgjegjëse për marrjen e masave të mëtejshme ligjore. V. Komisioni hetimor parlamentar përbehet nga 11 deputetë, si më poshtë:
1.Edi Paloka Kryetar
- Ermonela Felaj Zëvendëskryetar
- Enkelejd Alibeaj Anëtar
- Myslym Murrizi Anëtar
5.Flamur Noka Anëtar
- Endrit Braimllari Anëtar
Komisioni do të ushtrojë veprimtarinë e tij për një afat 6-mujor nga hyrja në fuqi e këtij vendimi. Kryetari i Kuvendit, Edi Paloka duhet të caktojë menjëherë mjediset dhe mjetet e punës së komisionit, si dhe personelin e nevojshëm, duke vënë nëdispozicion edhe ekspertë juriste.
Emrat e anëtarëve të maxhorancës nuk janë zbardhur ende.
(F.M/Faxweb)
