Ministri i Drejtësisë, Petrit Vasili, ka reaguar së fundmi lidhur me shqetësimet e ngritura për ONM-në në letrën e tij drejtuar ambasadorëve.
Ai shprehet se këto shqetësime janë të ndershme, por reflektimet nuk vijnë prej tij. Vasili ndan mendimin se zgjidhja e këtyre çështjeve rregullon komunikimin mes ONM dhe institucioneve shqiptare.
“Kam ngritur disa çështje që besoj se janë plotësisht të ndreqshme, të cilat e futin procesin në një udhë të qartësisë së kushtetutës që vendosin qartë rregullat e komunikimit mes institucionit të ONM dhe komunikimet edhe me institucionet shqiptare. Letra këto sjell në vëmendje, pastaj kush do të jenë reflektimet nuk vijnë nga unë. Unë kam detyrimin që ti bëj të qarta atje ku konstatoj.” është shprehur Vasili.
Në letrën drejtuar Lu dhe Vlahutin, Vasili theksonte se ngritja e Bordit të Monitorimit Ndërkombëtar është antikushtetues. Ai shprehej gjithashtu se për rolin që do të ketë ONM-ja duhet një marrëveshje ndërkombëtare. (XH.A/SHUPLAKA)
