Pas akuzave të deputetit Ben Blushi ndaj qeverisë lidhur me situatën në Zharrëz, tërmetet që shkakton papërgjegjshmëria e qeverisë, ka reaguar zv/kryeministri Niko Peleshi.
Ai u shpreh që në fillim se qeveria nuk i ka mbyllur sytë për Zharrëzën. Ai tha se akuzat janë të padrejta pasi me urdhër të kryeministrit, ministria pezulloi inertimin. Sipas Peleshit, tërmetet shkaktohen nga injektimi.
“Jemi brenda marrëveshjes. Nuk është një lajm i keq, duhet të respektohet. Kryeministri me urdhrin e tij ka ngritur grupin që administron punën. Kemi marrë një relacion mbi lëkundjet dhe i kemi rekomanduar Ministrisë së Energjisë që të mbajë të bllokuara Hec-et.
Sipas marrëveshjes së hidrokarbureve, kompania ka të drejtën e vet të kërkojë një ekspert të pavarur. Ne i kemi kërkuar të paguajë dëmet e shtëpive të dëmtuara. I kemi çuar listën potenciale ekspertëve të huaja që presin të pranohen nga bankers për të bërë një hetim të shpejtë. Për banesat në rrezik shembje është kërkuar sistemimi i tyre nga ministria në bashkëpunim me pushtetin vendor. I kemi kërkuar kompanisë të paguajë dëmet, në rast se nuk pagon vlerësimin tonë ka të drejtën e vet të kërkojë ekspertizë të huaj. Nuk e di se cfarë mund të pretendohet më shumë nga qeveria dhe nuk i shërben askujt situata. Pse duhet të përdorim gjuhën e luftës ndaj një kompanie private. Pezulloi punën në puset gëlqerore.
“Armo” është një plagë, ajo që kemi hapësirë të bëjmë është inkurajimi ftesa publike e hapur për investimeve. Mes bankave dhe kompanisë private është lidhur një marrëveshje. Qeveria ka për qëllim inkurajimin. Unë mbase nuk jam shumë realist kur besoj se ka vend për të bërë politikë edhe në botën e fakteve. Nuk besoj se i vlen shqipërisë të injorojmë botën e fakteve.
Para dy ditësh lexova një status të-ish kryeministrit që shkruante se sipas bb shqipëria në rajon mban numrin më të lartë të vetëvrasjeve. Bëra kërkim, rezultoi e kundërta. E vërtetë e kthyer përmbys.”, u shpreh Peleshi ndër të tjera. (XH.A/SHUPLAKA)
