Vendimi për shkarkimin e Manjanit, për zëvendëskryeministrin Niko Peleshi ishte i drejtë. Pas mbledhjes së kryesisë së Partisë Socialiste, Peleshi foli për akuzat e ish-ministrit pas shkarkimit.
“Ato deklarata të Manjanit vetëm sa shpjeguan arsyet, se pse ai vendim ishte i drejtë.”, tha zëvendëskryeministri.
Më pas ai foli për strategjinë në këto zgjedhje dhe qasjen e PS-së ndaj koalicionit me LSI-në.
“Po përgatitemi për sfidën e radhës, për zgjedhjet që do e çojnë PS në mandatin e dytë. Kemi shumë të nevojshme që përmes strukturës tonë të përçojmë një mesazh të bashkëpunimit të padeformuar të sistemit të qeverisjes, në çdo fshat, në çdo grup. Kjo mbledhje kryesie ishte një mbledhje e zakonshme që i shkon për shtat partisë tonë. Edhe në emër të Kryesisë mund të rikonfirmojë se ne kemi vetëm një qasje në koalicion, strategjike dhe jo taktike. Por kjo nuk ndryshon qasjen tonë të koalicionit në bashkëqeverisje. Këtë ta dëgjojë populli dhe aleatët tanë. Strategjia jonë për të qeverisur në ritmin e reformave të cilat kërkojnë lodhje, vëmendje dhe angazhim. Mund të mirëkuptojmë nëse partitë në koalicion mund t’i kënaq taktika. Për sa kohë nuk dëmtojnë qasjen tonë strategjike ato janë në rregull.”, shtoi Peleshi. (D.D/Shuplaka)
Discussion about this post