“Nikolic sfidon Vucic, planifikon të rikandidojë për President”

Mediat serbe kanë shkruar së fundmi se Presidenti aktual i Serbisë, Tomislav Nikolic, ka vendosur të kandidojë sërish për president.

Brenda një partie dhe me ambicie të njëjta me kryeministrin Aleksandar Vucic. Partia Progresive serbe vendosi unanimisht që Vucic të jetë kandidati potencial për president i kësaj partie.

“Kryetari i Partisë Progresive Serbe, Aleksandar Vucic do të vazhdojë bisedimet me presidentin aktual të Serbisë, Tomislav Nikolic dhe do të përpiqet të japë gjithçka për bashkimin kombëtar të Republikës Serbe, në mënyrë që Serbia të mbrohet kundër armiqëve të saj dhe të sigurojë të ardhme të mirë” shkruan gazetametro.net.

Vetë Nikolic është shprehur se nuk ndihej i surprizuar nga vota unanime e Partisë Progresive për Aleksandar Vucic, që të jetë ai kandidati i tyre për president. (XH.A/SHUPLAKA)