Pas dështimit të formimit të koalicionit, ish-kryeministri maqedonas Nikolla Gruevski kërkon zgjedhje të parakohshme, në vend të formimit të një qeverie të re me Zaev në krye.
“Më mirë të fitojmë mundësi dhe shans, se sa të futemi në krizë të vazhdueshme. Më mirë të konsumohen 2 muaj për zgjedhje të reja, se sa 6 muaj apo një vjet të ngecim në krizë politike”, deklaron Gruevski.
Lideri i VMRO DPMNE-së dështoi gjatë javës së kaluar që të bindte BDI-në të bashkohej në një koalicion me të. Si rezultat ai humbi shpresën e fundit për të vazhduar të jetë në qeverisje.
Gjithsesi disa ekspertë juridikë nuk bien dakort me deklaratat e Gruevskit, pasi sipas tyre vendi ka nevojë për formimin e shpejtë të qeverisë dhe përmbushjen e reformave urgjente, në vend të asaj që kërkon kreu i VMRO DPMNE.
“Nuk e shoh të arsyeshme që të shkohet në zgjedhje të parakohshme sepse mund të sigurohet shumica në parlament dhe ajo është rregulla kryesore me të cilën mund të funksionojë dhe parlamenti ka legjitimitetin e plotë të vazhdojë punën me kapacitet të plotë. Ndërsa eventualisht nëse nuk arrihet ndonjë shumicë brenda parlamentit që të reflektojë me rastin e formimit të qeverisë atëherë në aspektin ligjor nuk ka ndonjë kufizim mund të organizohen zgjedhje të përbashkëta edhe parlamentare dhe lokale”, tha eksperti juridik Mersim Maksuti. (D.D/Shuplaka)
Discussion about this post