Sindikata e Pavarur e Arsimit të Shqipërisë (SPASH) ka njoftuar kryetarët e sindikatës në çdo rreth që të informojnë mësuesit dhe nxënësit në shkollat e sistemit parauniversitar në Shqipëri për pezullimin e orës së parë të mësimit.
Kjo masë vjen si vazhdimësi e protestës të 16 dhjetorit që mësuesit zhvilluan përpara Ministrisë së Arsimit.
Vendimi për pezullimin e mësimit do të mbetet në fuqi për aq kohë sa arsimtarët nuk do të marrin një përgjigje pozitive nga ministrja. SPASH njoftoi se takimi do të zhvillohet ditën e sotme.
Njoftimi i SPASH
MINISTRJA NIKOLLA DO TE PRESE NE TAKIM
PERFAQESUESIT E SPASH DHE FSASH
Pas protestës së zhvilluar nga dy sindikatat e arsimit SPASH dhe FSASH, ditën e premte datë 16.12.2016, përpara MAS ku u kërkua plotësimi i kërkesave drejtuar MAS më 21.11.2015 :
– Shpërblimi i fundvitit
– Pagesa e orëve mbi normën mësimore javore
– Pagesa e transportit të mësuesve
– Formatimi dhe funksionimi i K. Kombëtar dhe Këshillave Vendore të A.Parauniversitar.
Sot,MAS njoftoi se ditën e hënë datë 19.12.2016, ora 11, do të presë 6 përfaqesues të SPASH e FSASH në takim, për të diskutuar për zgjidhjen e kërkesave të parashtruara më parë dhe ditën e protestës.
SPASH njofton strukturat e saj drejtuese në rrethe, të vazhdojnë përgatitjet për grevën 1- orëshe të paralajmëruar për ditën e martë, orën e parë të mësimit, deri në momentin kur të kemi një përgjigje pozitive për realizimin e kërkesave tona.
KRYESIA E SPASH
Discussion about this post