Nis gjyqi për fatin e Ramush Haradinaj, Franca vendos sot. Serbia paralajmëroi fakte shtesë

Ka nisur seanca gjyqësore e radhës për ish-kryeministrin e Kosovës, Ramush Haradinaj.

Përpara trupit gjykues në Colmar të Francës, ai do të mësojë nëse do të lirohet apo do të vijojë të qëndrojë në paraburgim në pritje të përplotësimit të procedurave të mëtejshme për ekstradimin e tij në Serbi.

Ministrja e Drejtësisë në Serbi bëri me dije se kërkesa e plotësuar për ekstradimin e liderit të AAK-së do t’i dërgohet Francës për akuzën “Krime lufte ndaj popullatës civile gjatë vitit 1999”, akuza këto për të cilat Haradinajt, thotë ajo, nuk është gjykuar në Hagë.

Në kërkesën e Serbisë për ekstradimin e Haradinaj, është paralajmëruar për paraqitjen e fakteve shtesë që kanë të bëjnë me urdhëresën për zgjerimin e hetimeve ndaj tij me fakte të cilat janë mbledhur.

Nga ana tjetër, Kosova ka kërkuar që Haradinaj të lirohet me kusht duke mos e bërë të mundshëm ekstradimin e tij nga Franca në Serbi. (XH.A/SHUPLAKA)