Nis heqja e shtyllave të ndriçimit në Astir, banorët acarohen (VIDEO)

Punonjësit e ARRSH-së kanë nisur heqjen e shtyllave të ndriçimit në zonën e Astirit. Kjo ka sjellë acarimin e banorëve të cilët mbeten të vendosur për të mos lejuar të vazhdojnë punën grupet e vlerësimit të dërguara në terren.

Gazetarja e ‘Fax News’ Mirilda Tili raportoi nga vendngjarja se banorët janë nisur drejt ish- sheshit Shqiponja ku një grup pune po kryen matje.

“Banorët janë të vendosr që të mbrojnë shtëpitë e tyre dhe në komunikim që kemi patur me ta janë shumë  të tensionuar dhe nuk pranojnë asnjë veprim nga qeveria në Unazën e Re pa u dëmshpërblyer.

Aktualisht që flasim banorët po shkojnë drejt ish sheshit Shqiponja, duke qenë se janë atje është një tjetër grup që po bën matje. Nuk ka patur konfrontime fizike por komunikim të acaruar”, tha gazetarja e Fax News.

me të parë banorët dhe prezencën e medias që kishin mbërritur aty, mjetet që kishin mbërritur për të hequr shtyllat janë larguar. Banorët ia kanë dalë të largojnë të gjitha grupet e punës që kishin mbërritur nga ARRSH.

(B.H/Faxweb)