Ka nisur konventa e LSI-së për zgjedhjen e kreut të partisë pas dorëheqjes së Petri Vasilit.
I pari e mori fjalën nënkryetari i LSI-së Luan Rama i cili u shpreh se kjo parti do ta luftojë arrogancën e pushtetit. Rama tha se Shqipëria ka nevojë për opozitë serioze dhe do ta ketë LSI-në.
Ai falenderoi qytetarët që votuan për LSI-në dhe i premtoi se lufta e kësaj partie ndaj abuzimit të pushtetit do të vazhdojë
FJALA E LUAN RAMËS:
“Me 25 qershor zgjodhën dhe votuan LSI-në, pa u trebur nga bandat e pushtetit, vota e 25 qershorit është votë besimi, zemrash, të jemi më të bashkuar se kurrë, është votë dashurie, prandaj jemi më të fortë, më të guximshëm për të vazhduar betejën tonë.
Konventa jonë, institucioni më i rëndësishëm i LSI nuk është shpikur për të respektuar thjeshtë statutin, lëvizja jonë, lëvizja për Shqipërinë Europiane, lëvizja e të rinjve shqiptarë që duan LSI-në nuk ka lindur në zyrat e pushtetit, por në zemrat tuaj dhe është forcuar në zemrat tuaj dhe prej përkushtimit atdhetar, LSI ka lindur dhe është rritur si opozitë e pushtetit, në luftë me arrogancën dhe abuzimin, jemi të vendosur ta vazhdojmë këtë luftë si detyrim ndaj qytetarëve, motra dhe vllezër Shqipëria ka nevojë për opozitë dhe ne do t’i përgjigjemi interest të saj, dhe interesit të shqiptarëve , të atyre që votuan kundër rilindjes dhe të gjithëve, Shqipëria ka nevojë për alternativë të re, jo atë të arrogancës dhe koncensioneve, dhe ne do tua ofrojmë atë me qetësi dhe dashur dhe me përkushtim, Konventën e deklaroi të hapur dhe ftoi të marrë fjalën Petri Vasilin të marrë fjalën”, tha ai. (B.H/Shuplaka)
Discussion about this post