Ka nisur ditën e sotme Konventa LSI-së së Tiranës. Në takim janë të pranishëm disa nga përfaqësueit kryesor të kësaj partie.
Kjo konventë ishte parashikuar të mbahej më 5 shkurt, mirëpo homazhet për shkrimtarin e madh Dritëro Agolli që u zhvilluan në të njëjtën darkë, u bënë shkak për ndryshim planesh.
Në konventë marrin pjesë plot 2301 delegatë, nga të gjitha njësitë në kryeqytet. Nga 256 kandidatët për Komitetin Drejtues të LSI Tiranë, do të përzgjidhen vetëm 179 anëtarët.
Për procesin e votimit do përdoret metoda elektronike, i cili do të nxjerrë edhe Kryetarin e LSI-së për kryeqytetin
Në fjalën e saj Ministrja e Integrimit Klajda Gjosha është shprehur shumë entuziaste përsa i përket zgjedhjeve të brendshme në LSI. Ajo u shpreh se të rinjtë e LSI-së janë një shembull për t’u ndjekur përsa i përket emancipimit.
Fjala e Gjoshës është shoqëruar me ovacione të shumta nga salla.
‘’LSI mbështet fort gratë dhe vajzat, familjet shqiptare ku kultivohen vlerat. Vetëm te LSI ne gjejmë motivimin për të vazhduar përpara. LSI sot do të zgjedhë kryetarin e saj, personin që do të udhëheqë një fushatë shumë të rëndësishme’’, është shprehur Gjosha. (E.K/SHUPLAKA)
Vijon…
