Nis mbledhja e KLP për anëtarët e SPAK-ut, përjashtohet nga gara njëri nga kandidatët

Këshili i Lartë i Prokurorisë sapo ka nisur mbledhjen me rend dite “Për miratimin e listës me renditjen e kandidatëve për prokuror të SPAK.

Sandër Beci, që është në rolin e relatorit në këtë mbledhje në emër të Komisionit të Posaçëm për SPAK në Këshill, Prokurori Eugen Beci i shkarkuar nga KPK, nuk mund të vazhdoje garën për të qenë pjesë e SPAK.

KLP ka deklaruar se për Prokurorinë e Posaçme kandidati duhet të ketë ushtruar profesionin mbi 10 vite që është miratimi i pr/vendimit për miratimin e listës për rënditjen e kandidatëve për Prokurorinë e Posaçme, Komisioni i Posaçëm ka vlerësuar vetëm aktet e dosjeve të përfunduara të kandidatëve, jo ato ende në hetim.

Komisioni i Posaçëm ka miratuar një metodologji vlerësimi me pikëzim për secilin kandidat në përputhje me “Rregulloren për ngritjen e SPAK” e miratuar në seancën plenare të KLP-së.

Procesi është mbikëqyrur përgjatë ecurisë së tij nga misionet ndërkombëtare EURALIUS dhe OPDAT.

Ndërkohë mësohet se Prokurori Eugen Beci i shkarkuar nga KPK, nuk mund të vazhdojë garën për të qenë pjesë e SPAK.

Eugen Beci është shkarkuar nga KPK rreth një muaj më parë dhe gjatë leximit të relacionit, Becit iu vu në dukje se hetimi i Komisionit, ndryshe nga ai i Inspektoriatit të Lartë të Deklarimit të Pasurive dhe Kontrollit të Interesave, ILDKPKI, kishte gjetur një sërë problemesh në pasurinë e tij dhe kryesisht blerjen e një apartamenti 169 metra katrorë në Tiranë.

Po ashtu probleme iu gjetën edhe gjatë kontrollit të figurës, përfshi kontaktin e papërshtatshëm me një person, të publikuar gjatë debatit publik për të ashtuquajturin “komplot për vrasjen e deputetit Tom Doshi”, i cili rezultoi më pas një ngjarje e sajuar (lexo këtu).

Komisioni ka administruar rreth 400 akte të procedimeve penale pasurore. Komisioni Posaçem kanë vlerësuar letrën e motivimin, aktet rreth procedimeve penale të kandidateve, informacionet nga burimet e hapura përveç dokumenteve të prezantuara nga kandidatet.

Komisioni Posaçëm ka vleresuar kriterin profesional të integritetit dhe vendosmërisë së kandidatëve. Komisioni ka sjell gjithë raportet të kandidatëve në mënyrë nominale. Raportet janë miratuar nga të gjithë anëtarët të Keshillit.

Sot do të publikohet vlerësimi për 15 kandidatët e parë që garojnë për Prokurorinë e Posaçme.

(F.GJ/FAXWEB.AL)