Ka nisur mbledhja e përbashkët e grupit parlamentar dhe Kryesisë së Partisë Demokratike në selinë blu. Mësohet se po flitet për situatën aktuale dhe ngërçin politik dhe protestën e lajmëruar të 13 majit.
“18 qershori një datë e rënë politikisht dhe ligjërisht. Të nisim punën për protestën e 13 majit,të nisë puna në terren. Do të jetë protestë paqësore, me parametra demokratikë. 13 maji është një stacion për fitoren e kauzës sonë. Përvoja me Kavajën e vlefshme për rrugën tonë në vijim”, mësohet të jetë shprehur Basha në selinë e demokratëve.
Më herët kryeministri Rama foli sot në Komunikimin Javor duke konfirmuar se nuk ka pasur më negociata dhe sipas tij mesa duket po shkohet pa PD-në në zgjedhje.
“Sot do të zhvilloheshin zgjedhjet në Kavaje. U tërhoqëm për të shmangur përplasjet dhe derdhjet rrugëve të Kavajës së përsheshit të gatuar në çadrën prej plasmasi.
Fatkeqësisht PD nuk e shfrytëzoi për të mbyllur laboratorin e krizës këtë kohë të mnbetur dhe për të hapur një faqe të re të bashkëpunimit mes opozitës me qeverisë. Festoi një fitore imagjinare, në këto kushte fija e shpresës së do të votojë vettingun është një fije shprese tanimë e padukshme. Përfudnimi se në zgjedhje po shkojmë pa PD është pothuajse e qartë. Kjo po mbahet peng përmes dy liderëvë të PD të riut dhe të vjetrit. Frikën nga drejtësia nuk jua heqim dot njerëzve që po sakrifikojnë një parti historike, as qeverinë nuk ua japim dot, as zgjedhjet nuk ua japim dot.
Qeveria është vullnet i shumicës jo një plackë, zgjedhjet janë të popullit. Në mos ndodhtë mrekullia, ne nisemi drejt 18 qershorit që nesër”,-tha Rama.
(M.D/Shuplaka)
Discussion about this post