Në stadiumin e Shkupit sapo ka filluar ndeshja mes Real Madrid dhe Manchester United. Ministria e Punëve të Brendshme të Maqedonisë injofton se ka ndërmarrë të gjitha masat dhe aktivitetet e nevojshme me qëllim që organizimi i ndeshjes së Super Kupës së UEFA-së të kalojë mirë.
“Janë angazhuar 2600 nëpunës policor të cilët janë të angazhuar për sigurinë e të pranishmëve në arenën e futbollit “Telekom”, rajonin rreth stadiumit të futbollit dhe fan-zonave, ku në pjesën më të madhe të ditë po qëndrojnë tifozët e ty dy klubeve, shkruan TV21.
Sipas instruksioneve të UEFA-së, në stadium mund të futen vetëm flamuj të klubeve të futbollit Real Madrid dhe Manchester United dhe flamuj të Spanjës dhe Anglisë”, njoftoi ministria në fjalë.
Ndër të tjera,në hyrje janë paraparë kontrolle rigoroze dhe nuk do të lejohet futja e monedhave, shkrepëseve, kanaçeve dhe mjeteve të tjera.
Ky është trofeu i parë kontinental për këtë sezon dhe dy ekipet, si ai spanjoll dhe ai anglez duan t’a nisin aty ku e mbyllën, duke fituar trofe.
“Galatikët” e drejtuar nga Zinedin Zidan dëshirojnë që sonte të vulosin për të katërën herë emrin e tyre në historinë e këtij trofeu, ndërsa Manchester United shpreson që “Superkupa e Europës” të bëhet e tyre për të dytën herë që prej vitit të largët 1991.
Zinedin Zidan ka zgjedhur që në fushë të këtë: K.Navas, Carvajal, Sergio Ramos, Varane, Kroos, Benzema, Modriç, Bale, Marcelo, Casemiro, Isco.
Ajo që bie në sy ngha kjo listë është se Cristiano Ronaldo nuk do ta nis nga fillimi takimin.
Ndërkohë Jose Mourinho ka zgjedhur: De Gea, Valencia, Lindelof, Smalling, Darmian, Matiç, Ander Herrera, Pogba, Nikhitaryan, Lingard, Lukaku.
Trajneri portugez ka preferuar të aktivizojë tre blerjet e reja gjatë kësaj merkatoje vere, Lindelof, Matiç dhe Romelu Lukakun.
(D.D/Shuplaka)
