Rreth 18 orë më parë, ka nisur peticioni online në kundërshtim të zbatimit të projektit “Veliera”, i cili parashikon që njëra nga këmbët e saj të vendoset mbi muret e zbuluara.
Peticioni i titulluar “Shpallja monument kulture e gjetjeve dhe ndryshim i projektit “Veliera” në Durrës, është firmosur deri tani nga 215 persona dhe pas përfundimit pritet që t’i dërgohet Bashkisë Durrës, Ministrisë së Kulturës, Këshillit Bashkiak të Durrësit dhe Këshillit Kombëtar të Arkeologjisë.
Në peticion renditen edhe shkeljet e kryera:
1.Ndërtimi Në Zonën Arkeologjike “A” – E Ndaluar!
2. Strukturat Prej Betoni, Mbi 3 Metra Dhe Të Paçmontueshme
– Të Ndaluara!
3. Themele Mbi Muret Dhe Varret Historike – Fakt!
Është Shpuar Me Sonde Dhe Derdhur Beton Midis Mureve Dhe Varreve Të Zbuluara.
Të Bashkohemi Të Gjithë Për Të Kërkuar Mbrojtjen E Mureve Dhe Topave Të Zbuluara, E Shpalljen E Tyre Monument Kulture, Mosbetonizimin E Fragmentit Të Murit Rrethues Të Qytetit (Aktualisht Është Mbuluar Me Gurë Çakull) Dhe Të Ndryshohet Projekti “Veliera”, Që Parashikon Që Njëra Nga Këmbët E Saj Të Vendoset Mbi Muret E Zbuluara.
Një ditë më parë, kryetari i Bashkisë së Durrësit, Vangjush Dako deklaroi gjatë raportimit në Kryesinë e Kuvendit se nuk po kryhet asnjë veprim që cenon monumentet kulturore. Ai u shpreh se punimet në zonën A janë ndërprerë pas nxjerrjes së rrënojave arkeologjike, ndërkohë që kushdo është i lirë të kryejë inspektime. (XH.A/SHUPLAKA)
Discussion about this post