Që prej orës 08:00 ka nisur procesi i votimit për kryetarine ri të Partisë Demokratike. Sot pritet të votojnë 100 mijë shqiptarë për kreun e kësaj partie. Votimi filloi në orën 08:00 dhe përfundon në orën 19:00.
Për këto zgjedhje janë ngritur 73 komisonione në të gjithë vendin. Në garë janë dy kandidatë, Lulzim Basha dhe Eduard Selami. Votimi do të zhvillohet ne 68 qendra votimi në të gjitha degët e PD në rang vendi.
Komisioni i Operacioneve Elektorale në Partinë Demokratike njoftoi mbrëmë se ka përfunduar procesi i shpërndarjes dhe marrjes në dorëzim të materialeve zgjedhore në 73 komisionet e ngritura në gjithë vendin, për zgjedhjen e kryetarit të Partisë Demokratike të Shqipërisë.
Materialet zgjedhore janë marrë në dorëzim nga përfaqesuesit e kandidatëve dhe drejtuesve të komisioneve. (J.V/Shuplaka)
Discussion about this post