Ka nisur protesta e organizuar nga dega e Partisë Demokratike në Tiranë përpara Drejtorisë së Policisë.
Në këtë protestë ndër përfaqësuesit e tjerë të opozitës është edhe ish-deputeti demokrat, Klevis Balliu. Balliu tha se dje Rama dha urdhër që të grsuhtoheshin protestuesit dhe bëri thirrje ndaj qytetarëve që sipas tij duhet që kudo ta shohin Ramën ta tërheqin zvarrë.
“Dje Rama ju shpalli luftë qytetarëve pasi urdhëroi policinë në mënyrën më të pashembullt që të grushtonte njerëzit. I vetmi që duhet të grushtohet është Rama për krimin, drogën dhe vjedhjet. Ky njeri është një hajdut ordiner dhe duhet trajtuar si i tillë. Unë ju bëj thirrje qytetarëve që ashtu sikur Rama dha urdhër që të grushtoheshin qytetarët, këta të fundit kudo që ta shikojnë ti sillen si ai dhe ta tërheqin zvarrë”.
Ndërkohë qytetarë të ndryshëm që marrin pjesë në protest u shprehën se u është “lidhur laku në fyt” dhe nuk durohet më kjo situatë.
Ndërkohë ish-deputeti Edi Paloka tha se me kilometra të tëra njerëzit janë helmuar. Sipas tioj efekti I gazit lotsjellës ka shkuar deri në maternitet ku janë prekur edhe foshnje. Paloka tha gjithashtu se qytetarët janë dhunuar në mënyrë barbare dhe se Rama ju ka shpallur luftë.
“Rama ju ka shpallur luftë qytetarëve dhe ne do ti përgjigjemi. Ose do të ngrihemi të mbojmë interest tona ose do ti nënshtrohemi pushtetit dhe arrogancës së Ramës. Nëse ai do të vazhdojë në këtë mënyrë do të jenë qytetarët që do të vendosin fatin e këtij vendi”, tha Paloka.
(F.GJ/FAXWEB.AL)
Discussion about this post