Ministri për Rindërtimin pas tërmetit Arben Ahmetaj gjatë një takimi me banorët e Thumanës, ku ishte i pranishëm edhe kryeministri Edi Rama dhe ministrja Elva Margariti deklaroi se brenda dhjetorit të këtij viti do të ndërtohen 4000 shtëpi individuale.
“Kjo është hera e parë që qeveria merr përsipër të ndërtojë shtëpi dhe blloqe pallatesh dhe t’ua japë qytetarëve shtëpitë falas. Vëmendja e qeverisë është për banorët e Thumanës dhe të mbarë Shqipërisë. Javën që vjen hapet procedura për të ndërtuar banesa individuale. Janë 4 000 familje që do futen në banesa brenda vitit.
Do ndërtojmë edhe në banesa në Bubq. Bubqi ka për të qenë shembull për t’u marrë në Shqipëri, por edhe më tej. Brenda 2 viteve do shohim një Shqipëri të re. Fillimi i majit fillojnë shtëpitë e para individuale. Brenda dy viteve do tu shohim në një shtëpi të re. Zonat e dëmtuara nga tërmeti do ti marrim shembull sesi do ndërtohet dhe në zona të tjera të Shqipëri. ”-Ahmetaj.
