Me nisjen e regjistrimit të vogëlushëve nëpër çerdhe është shtuar numri i fëmijëve aplikues. Në një prononcim për “News24”, drejtoresha e Çerdheve në Tiranë, Zhaneta Beqiri, bëri me dije se regjistrimi ka nisur që dje dhe pritet të vazhdojë në muajt në vazhdim.
Ajo deklaroi se prioritet do të kenë fëmijët e prindërve me ndihmë ekonomike, ndërkohë që çerdhet dhe kopshtet do të vazhdojnë të jenë të hapura edhe gjatë muajve të verës.
“Fluksi ka qenë i madh që ditën e djeshme. Regjistrimi do të kryhet përgjatë dative 12-16 qërshor në orarin 09:00-14:00. Jo të gjithë fëmijët do të regjistrohen që tani, një pjesë e tyre do regjistrohen në muajt në vazhdim.
Fëmijët e prindërve me ndihmë ekonomike kanë prioritet. Gjatë verës, çerdhet dhe kopshtet do të qëndrojnë të hapura. Lejet do t’i marrim në raport me numrin e fëmijëve. Cilësia e shërbimit do të jetë e njëjtë brenda standardeve.”, është shprehur drejtoresha e Çerdheve në Tiranë.
(XH.A/SHUPLAKA)
Discussion about this post