Kolegji i Pavarur i Apelimit ka nisur seancën e dytë në ngarkim të ish-kryeprokurorit Adriatik Llalla.
Edhe në këtë seancë, ish-kryeprokurori Llalla mungon, por përfaqësohet nga avokati i tij, Sokol Hazizaj.
Hazizaj kërkoi më shumë kohë në seancën e zhvilluar në 16 maj për të shqyrtuar vendimin e KPK-së
për ta përjashtuar Llallën nga procesi i Vettingut.
Ditën e sotme, gjyqtari ka lexuar prokurën e posaçme që Llalla i ka dorëzuar avokatit Sokol Hazizaj për ta përfaqësuar dhe mbrojtur në Gjykatë.
Ish-kryeprokurori Adriatik Llalla është larguar prej kohësh nga Shqipëria.
Në media është përfolur fakti se Llalla ka kërkuar azil politik në Gjermani por ende ky lajm nuk është konfirmuar apo përgënjeshtruar.
(F.G/Faxweb.al)
Discussion about this post