Protesta e qytetarëve të Qarkut të Kukësit ditën e sotme kundër tarifës në Rrugën e Kombit, ka detyruar kryeministrin Edi Rama të reagojë maksimalisht ndaj këshilltarëve socialistë të Bashkisë së Kukësit.
Sigurisht që inati i kryeministrit sot nuk ka qenë vetëm mbi qytetarët që protestuan, por edhe ndaj këshilltarëve të majtë, të cilët i ka përjashtuar menjëherë nga partia.
Përjashtimin e socialistëve kuksianë, Rama e bëri gjatë konferencës për mediat, pa pritur më parë që të mblidhen organizatat bazë të partisë për marrjen e një vendimi të tillë.
“Anëtarët e këshillit bashkiak të Kukësit të cilët kanë nxitur dhunë në protestë do të përjashtohen nga Partia Socialiste”, ishte kjo deklarata e kryeministrit Edi Rama, një deklaratë e cila mbante brenda saj tone të ashpra dhe kërcënuese.
E ndërsa për socialistët Rama mori vendimin e prerë për ti larguar nga Partia, tashmë pritet se cila do të jetë hakmarrja e tij ndaj qytetarëve.
(E.L/Faxweb)
Discussion about this post