Ekipi ynë kombëtar ka nisur stërvitjen në Durrës në kuadër të përgatitjes për ndeshjen e së premtes ndaj Spanjës në transfertë.
Trajneri Panuçi po shikon nga afër stërvitjen e lojtarëve për të nxjerrë konkluzionet e fundit mbi formën e futbollistëve kuqezinjë në prag të ndeshjes së luksit ndaj Spanjës.
Kujtojmë që Panuçi për këtë sfidë ka ftuar edhe Taulant Xhakën dhe Sokol Cikalleshin të cilët ishin përjashtuar për mungesë dissipline.
Ndeshja ndaj Spanjës sigurisht që do të jetë shumë e vështirë për të pretenduar për ndonjë rezultat pozitiv duke patur parasysh nivelin e spanjollëve, por trajneri Panuçi ka deklaruar më parë se ekipi i tij do të luajë për të marrë një rezultat pozitiv.
Në Spanjë për momentin është një gjendje kaotike pas referendumit të Katalonjës, një nga mbrojtësit më të mirë të spanjollëve, Pike, ka deklaruar se do të tërhiqet nga kombëtarja spanjolle pasi ndihet më shumë katalanas. Një tjetër mungesë e rëndësishme për vendasit është edhe Andres Iniesta. (B.H/Shuplaka)
https://www.youtube.com/watch?v=9g3xEF1TOnE&feature=youtu.be
