Nis takimi mes përfaqësuesve të PE-së dhe Shqipërisë, Macovei : Është koha për t’u bashkuar për të mirën e vendit

Ka nisur në Tiranë, takimi i Komisionit parlamentar për Stabilizim Asociimin mes Parlamentit Europian dhe Shqipërisë.

Fjalën e ka marrë, kryetarja e Delegacionit, Monika Macovei e cila u ka bërë thirrje partive politike të bashkohen për të mirën e vendit.

Macovei ka thënë se Parlamenti Europian është në ndihmë të Shqipërisë, dhe se partitë politike duhet të ndjekin interesin e popullit shqiptar.

Ajo i ka bërë thirrje opozitës të bashkëpunojë për integrimin e vendit.

“Shqipëria është në rrugë të mbarë për integrimin. Njerëzit nuk duan që partitë të luftojnë gjatë gjithë kohës. Shpresoj të jemi në gjendje të luftojmë për integrimin. Të mos kalojmë nga një ekstrem në tjetrin. Për ne është e qartë se rruga për BE-në kalon nga reforma në Drejtësi. Të shohim interesin e shqiptarëve, ata duan BE-në. Nuk është mirë kur partitë politike luftojnë me njëra-tjetrën. Është koha që ju ta bashkoheni për të mirën e vendit. Njerëzit e dinë që pozitë-opozitë luftojnë me njëra tjetrën. Shpresojmë që takimi i sotëm të jetë konstruktiv.”-ka thënë Macovei.

Në takim janë të pranishëm deputetë të opozitës dhe të mazhorancës.
(F.G/Faxweb)