“Nisan-i” merr flakë në ecje, qytetarët e Korçës në panik

Në qytetin e Korçës, një automjet është përfshirë nga flakët ndërkohë që ishte në lëvizje. Mësohet se ngjarja ka ndodhur në rrugën nacionale Korçë-Bilisht në afërsi të fshatit Belorta.

Sipas policisë, automjeti tip “Nisan” ka marrë flakë në ecje e sipër, ndërkohë që ka shkaktuar alarm tek banorët.

Ndërkohë zjarrfikësit ndodhen në vendngjarje dhe po punojnë për shuarjen e flakëve. Për fat të mirë, nga ky incident janë shënuar vetëm dëme material. Paraprakisht dyshohet se flakët mund të jenë shkaktuar, si pasojë e një shkëndije elektrike.

Sakaq, bardhë e blutë kanë nisur hetimet për të zbardhur detajet e plota të ngjarjes. (D.D/Shuplaka)