Niset me shkallë e litar nga Shqipëria për të nxjerrë nga burgu kushëririn në Francë, 4 vjet burg për të riun

Një ngjarje e pazakontë ka ndodhur në Francë, ku një i ri kishte udhëtuar nga Shqipëria, vetëm e vetëm me qëllimin për të nxjerrë nga burgu kushëririn e tij.

Mediat franceze shkruajnë se Klejvis B. ishte nisur me 10 prill të vitit të kaluar në drejtim të burgut Leuze-en-Hainaut, për të nxjerrë nga burgu kushëririn e tij Taulant T.

I gjithë plani “gjenial” i arratisjes ishte planifikuar nga vetë Kejvisi. Ai kishte marrë me vete një palë shkallë, një litar dhe një prerëse të telave.

Por plani I tij dështoi për shkak se të gjitha hallkat e sistemit të sigurisë kishin funksionuar.

Kështu përveç Taulantit u arrestua edhe Kejvisi.

I pari u dënua me 6 vite burg, ndërsa kushëriri që sakrifikoi vetën u dënua me 4 vjet. Vendimi u dha pasditen e djeshme nga Gjykata Penale në Tournai.

Mediat franceze raportojnë se pjesë e planit të arratisjes së dështuar ishte edhe një person i tretë, por që nuk u identifikua kurrë.

Mësohet se Taulant T. ishte dënuar për tregtim të lëndëve narkotike, ndërsa është dënuar edhe dy herë të tjera në Itali rreth vitit 2009.

Këtë radhë, atij iu zbulua edhe një armë, por Taulanti deklaroi se nuk kishte pasur ndërmend ta përdorte. (D.D/Shuplaka)