Presidenti i Republikës së Shqipërisë ka dekoruar gazetën “Rlindja Demokratike” me rastin e 26-vjetorit të krijimit të saj, të shënuar sot më 5 janar. “RD” mësohet se është dekoruar me titullin e lartë “Kalorës i Urdhrit të Skënderbeut”.
Kreu i Lartë i Shtetit është shprehur se kjo gazetë e ka merituar titullin e lartë për kontributin që ka dhënë si gazeta që vrau frikën e diktaturës dhe i hapi rrugën shtypit të lirë.
Dekorimi
Në 26-vjetorin e themelimit dhe botimit të numrit të saj të parë si një zë i lirë dhe i pavarur mediatik pas afro pesë dekadash shtypjeje dhe censure të ashpër komuniste, Presidenti i Republikës, Sh. T. Z. Bujar Nishani dekoroi gazetën “Rilindja Demokratike” me Titullin “Kalorës i Urdhrit të Skënderbeut” me motivacionin:
“Në vlerësim të kontributit të vyer e të pazëvendësueshëm si gazeta e parë që vrau frikën e diktaturës dhe hapi rrugën për rivendosjen e shtypit të lirë në Shqipëri, duke përhapur e lartësuar vlerat e patjetërsueshme të lirisë dhe të demokracisë”.
(Numri i parë i gazetës “Rilindja Demokratike”, 5 janar 1991)
