Presidenti Nishani dekreton datën e zgjdhjeve për Kavajën. Pas shkarkimit të Rroshit dhe vendimit final të Gjykatës Kushtetuese Nishani ka dekretuar 7 majin si ditën ku do të mbahen zgjedhjet.
Ajo që vihet në pikëpyetje është fakti nëse opozita do të marrë pjesë në këto zgjedhje pasi demokratët kanë vendosur deri më tani të tërhiqen nga pjesëmarrja e zgjedhjeve të qershorit.
Elvis Rroshi ishte pjesë e ligjit të dekriminalizimit dhe kërkesa për shkarkimin e tij u paraqit nga Prokuroria në KQZ dhe më pas mori dhe miratimin e Kryeministrit Rama.
Duhet thënë se Rroshi nuk ishte dakord me vendimin dhe e apeloi atë në Kushtetuese, por as gjykata nuk i dha të drejtë.
Rroshi pavarësisht shkarkimit nuk ka hequr dorë asnjë ditë nga ushtrimi i detyrës. ”Shuplaka” dhe më parë ka denoncuar faktin se Rroshi asnjë ditë nuk është larguar nga zyra e Bashkisë.
(E.K/SHUPLAKA)
