Presidenti i Republikës Bujar Nishani ka vizituar sot familjen e ish-shefit të krimeve Artan Cuku, i cili ndërroi jetë tre ditë më parë pas një atentati me armë zjarri.
Mësohet se Nishani ka qenë i shoqëruar me bashkëshorten e tij Odeta, të cilët sëbashku shprehën ngushëllimet për komisarin e ndjerë.
Pak orë më parë, në shtëpinë e familjarëve të të ndjerit ka qenë edhe kreu i opozitës Lulzim Basha, pas u bë pjesë e homazheve të mbajtura për ish- komisarin e Vlorës, Bashës shkoi për një kafe ngushëllimi në shtëpinë e tij.
Ndërkohë sot për kafen e ngushëllimit, mësohet të kenë qenë edhe ish- kolegët e Cukut, duke përfshirë: Agron Kulicaj, Florenc Hoxha, Aleks Hajdari, Arjan Hoxha dhe Tonin Vocaj dhe të tjerë.
Artan Cuku u sulmua me armë zjarri mbrëmjen e së shtunës pak pasi u nda nga gruaja Mariola dhe dy fëmijët, djali dhe vajza, të cilët ishin ngjitur për në banesë, ndërkohë që ai i ishte drejtuar nje marketi për të blerë.
Ngjarja e rëndë ndodhi rreth orës 20:00 në “Rrugën e Kosovarëve”, ku Cuku iu mor jeta në mënyrë të padrejtë nga dy persona me motor, të cilët e qëlluan me armë zjarri. (D.D/Shuplaka)
[ngg_images source=”galleries” container_ids=”1559″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
