Më 7 mars, Presidenti i Republikës së Shqipërisë, Bujar Nishani, do të vizitojë Luginën e Preshevës. Këshilltari i presidentit Nishani për Rajonin, ka konfirmuar vizitën e presidentit Nishani në Luginën e Preshevës në një prononcim për “Presheva jonë”.
Kjo është një vizitë e shumëpritur për autoritetet e Preshevës, të cilët e konsiderojnë si historike.
Axhenda e vizitës zyrtare të presidentit Bujar Nishani:
Ora 12:00- 13:00: Mbërritja e Presidentit Nishani në komunën e Bujanocit. Takim me kryetarin e Komunës, Shaip Kamberi dhe kryetarin e Këshillit Nacional, Jonuz Musliu, takim me përfaqësuesit e komunës së Medvegjës si dhe me përfaqësuesit institucionalë dhe politikë (zyra e kryetarit të komunës së Bujanocit)
-Ora 13:00 -13:30 Vizitë në shkollën fillore “Muharem Kadriu“ (shkolla e re), Tërnoc
-Ora 13:30 -15:00: Program kulturor me rastin e 7 Marsit, Ditës së Mësuesit në Bujanoc
-Ora 15:00: Nisja e Presidentit për në Preshevë.
(XH.A/SHUPLAKA)
