Prej ditës së djeshme presidenti i Shqipërisë Bujar Nishani ndodhet në një vizitë në trevat shqiptare të banuar me shqiptarë. Bujanovci, Presheva dhe Medvegja janë tre qytetet që përfshihen në territorin serb po me shumicë dërrmuese të popullsisë shqiptare.
Po duket se vizita e Nisganit nuk është pritur mirë nga politikanët serbë të cilët i kanë quajtur provokime shfaqjen e simboleve të Shqipërisë gjatë vizitës së Nishanit.
Kryetari i Partisë Popullore Serbe, Nenad Popovic, ka vlerësuar vizitën e sotme të presidentit të Shqipërisë, Bujar Nishani në Luginën e Preshevës si njërën ndër provokimet me qëllim të destabilizimit dhe kërcënimit të sovranitetit dhe integritetit territorial të Serbisë.
”Flamujt e Shqipërisë me të cilat Nishani është pritur sot në Bujanoc, si dhe injorimi i simboleve zyrtare shtetërore të Republikës së Serbisë dhe institucioneve të saja, paraqet një shkelje të ashpër të të gjitha rregullave diplomatike. Lënia anash e himnit të Serbisë me rastin e pritjes së presidentit shqiptar është tallje me shtetin tonë dhe të gjithë qytetarët e saj”, ka thënë Popovic, njofton Kosovapress. (E.K/SHUPLAKA)
Discussion about this post