Presidenti Bujar Nishani, i ftuar në “Tonight Ilva Tare”, ka treguar se për çfarë bisedoi gjatë takimit të sotëm me shefin e CIA-s, John Brennan.
“Ishte takim shumë i rëndësishëm dhe miqësor. Ishte hera e parë që takoja një personalitet kaq të lartë të Shteteve të Bashkuara të Amerikës. Për sa i takon proceseve që lidhen me garantimin e sigurisë. Shqipëria është angazhuar në ruajtjen e stabilitetit rajonal, ku Shqipëria ka rol të rëndësishëm, çka edhe në takimin e sotëm morëm vlerësime të veçanta dhe në sfidat që janë evidente që ka të bëjë me grupet terroriste. Shqipëria ka qenë e prekur nga fenomeni i luftëtarëve të huaj. Vizita e drejtorit të CIA-s, ishte një tregues i fortë dhe sinjal i fortë i partneritetit të ngushtë dhe të bashkëpunimit që ka Shqipëria me SHBA për ruajtjen e sigurisë dhe paqes dhe ruajtjen e demokracisë”, u shpreh kreu i shtetit.
Drejtori i CIA-s ishte ditën e sotme për një vizitë sekrete në Tiranë, ku u takua me krerët e institucioneve dhe me drejtorin e Policisë së Shtetit, Haki Çako.
