Presidenti Bujar Nishani është nisur drejt Meksikës, ku do të marrë pjesë në punimet e sesioneve të Platformës Globale 2017 për reduktimin e rrezikut të katastrofave.
Duhët thënë se kjo është një nga problematikat më të mëdha globale që shqetësojnë të gjitha vendet e zhvilluara dhe në zhvillim.
Me ftesë të sekretarit të përgjithshëm të OKB Antonio Guterres, kreu i shtetit shqiptar do t’i drejtohet me një fjalim sesionit dhe do të zhvillojë disa takime të rëndësishme pune.
Në qendër do të jenë bisedimet për parandalimin dhe reduktimin e rreziqeve të shkaktuara nga katastrofat natyrore. (E.K/SHUPLAKA)
