Nishani vendos të rikthehet në PD: Nuk synoj asnjë shpërblim

Pesë vitet në Presidencë kaluan shpejt dhe tashmë Bujar Nishani ka vendosur që të rikthehet sërish në Partinë Demokratike.

Po këtë herë ndryshe nga vite më parë që kishte qenë dhe ministër i Brendshëm preferon që të japë kountributin e tij pa marrë si shkëmbim poste dhe ofiqe të tjera.

 “Unë i jam shumë mirënjohës vendit tim dhe qytetareve të vendit tim që kanë investuar gjithë këto vite tek unë. Gjithashtu Partisë Demokratike, që ka investuar politikisht tek unë. Për këtë jam përpjekur t’ia kthej duke punuar me angazhim maksimal në interes të vendit dhe shtetit.

Tashmë është momenti që unë të vazhdoj kontributin dhe shërbimin, por pa shpërblim. Synimi im nuk janë postet dhe ofiqet, por shërbimi e kontributi”, thotë Nishani në një intervistë për “Gazetën Panorama’’.

Ai thekson me tej se, “Në kulturën time politike dhe civile nuk është e domosdoshme të kesh poste dhe ofiqe që të shërbesh dhe kontribuosh. Mjafton të kesh dëshirën, vullnetin e forcën shpirtërore dhe bëhesh i vlefshëm”.

Sipas Nishanit, mbetet postulat aktual gjithmonë thënia e famshme e Presidentit Kennedy: “Mos pyet çfarë bëri vendi yt për ty, por çfarë bëre ti për vendin tënd”.

(E.K/SHUPLAKA)