Presidenti i Shqipërisë, Bujar Nishani sot ka vizituar në Stamboll gjigantin e futbollit turk Gallatasarajin. Ky klub është themeluar nga djali i rilindësit shqiptar, Sami Frashërit.
Spas websajtit zyrëtar të thuhet se presidenti Nishani i cili po zhvillon një vizitë zyrtare në Turqi me ftesë të Presidentit Erdogan ka vizituar varrezat e themeluesit të klubit Ali Sami Yen dhe babait të tij, Sami Frashri në Ferriko të Stambollit. Në vizitë këtë vizitë presidenti Nishani është shoqëruar nga Presidenti i klubit të Gallatasarajtit, Dursun Ozbek dhe zyrtarë të lartë të tij.Presidenti Nishani është shprehur se përkulet me para figurave të familjes Frashëri për kontributin që ata kishin në formësimin e vetëdijes kombëtare shqiptare.
Presidenti i klubit Ozbek tha se ka një lidhje speciale mes Gallatasarajt dhe Shqipërisë. “Themeluesi i klubit tonë Ali Sami Yen është djali i të nderuarit Sami Frashëri. Lidhja mes Shqipërisë dhe Turqisë është fuqizuar edhe më tej me Gallatasarajn. Në fakt në mesin e themeluesve të klubit tonë ka shumë persona me origjinë shqiptare,” tha Ozbek.
Po kështu ai kujtoi se edhe kryetari aktual i bordit të këtij klubi, Irfan Aktar, është me origjinë shqiptare. Ozbek shtroi një drekë në Stadiumin Turk Telekom Arena në nder të Presidentit Nishani dhe këtij të fundit i dhuroi një bluzë të Gallatasarajt me emrin e presidentit shqiptar.
Gallatasaraj u themelua në vitin 1905, është klubi më i suksesshëm turk me 20 tituj kampionë, 17 kupa turke dhe 13 superkupa. Në vitin 2000 Gallatasaraj fitoi Kupën UEFA dhe Superkupën e Europës. (J.V/Shuplaka)
[ngg_images source=”galleries” container_ids=”278″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post