Kanë nisur lëvizjet e takimeve në selitë e institucioneve. Në zyrën e Ramës pak minuta para takimit me zyrtarin amerikan Hoyt Brian Yee, ka mbërritur ambasadori i BE-së Borchardt.
Një nga temat që mund dhe të diskutohet sot me ndërmjetëimin amerikan është dhe mundësia e shtyrjes së zgjedhjeve.
Roli i OSBE-së në mbajtjen e zgjedhjeve është shumë i rëndësishëm dhe ndoshta ky takim është parapritë për zhvillimet e mëvonshme të ditës.
VIZITA E YEE NË TIRANË:
Mundësia e fundit apo vizitë rutinë? Shumë e kanë cilësuar vizitën e Hoyt Brian Yee si mundësinë e fundit e gjetjes së kompromisit mes forcave politike dhe të tjerë mund ta cilësojnë dhe një vizitë rutinë.
Përfaqësuesi amerikan pritet të takojë në vendin tonë krerët më të lartë të shtetit, kreun e opozitës Lulzim Basha dhe deputetet demokrate Majlinda Bregu.
Zyrtari amerikan do të zhvillojë takim me kryeministrin Edi Rama në orën 10:30. Ndërkohë që takimi i tij me kreun e demokratëve është planifikuar të mbahet në orën 14:45.
Me kreun e Kuvendit Yee do të takohet rreth orës 11 e 30, ndërsa pasdite rreth orës 17:00 do të takojë Patozin dhe Bregun. Zyrtari ka mbërritur në Tiranë prej mbrëmjes së djeshme.
Më herët Zëvendës ndihmës sekretari i Shtetit për Evropën dhe Azinë ka viztuar disa shtete të tjera të Ballkanit, mes tyre dhe Maqedoninë ku u përpoq që të ndërhynte në shmangjen e krizës politike.
Nga ana tjetër në një intervistë për European Ëestern Balkans, Yee shprehje kundër bojkotit të Parlamentit nga të gjithë deputetët, një mesazh ndoshta ky edhe për Tiranën.
“Parlamentet duhet të përfaqësojnë dhe mbrojnë interesat e qytetarëve. Deputetët që bojkotojnë Parlamentin shmangin përgjegjësinë e tyre dhe injorojnë këshillën e ish-Presidentit të SHBA-ve, Theodore Roosevelt, se besimi i takon njeriut që është në të vërtetë në fushë betejë, jo njeriut që tregon se si të pengojë më të fortin”, deklaronte Yee.
Nga ana tjetër ai ka theksuar se mbështetja e SHBA-ve për Ballkanin do të vijojë. (E.K/SHUPLAKA)
Discussion about this post