Nisin punimet për një ndër rrugët më problematike në Shqipëri, Bushati uron banorët

Ministri i Punëve të Jashtme Ditmir Bushati dhe kryebashkiaku i Pukës Gjon Gjonaj, kanë inauguruar sot fillimin e punimeve të rrugës më problematike të Shqipërisë, për segmentin rrugor Kryqëzim Hadroj-Gjegjan-Mirditë.

Para 6 muajsh, një gjë e tillë ishte premtuar nga kryeministri Edi Rama gjatë një vizite në Gjegjan.

Ministri Bushati dhe kryebashkiaku Gjonaj uruan banorët e zonës për ktë arritje të madhe ndërsa premtuan investime të tjera për zonen e Pukës.

Rruga Kryqezim Hadroj-Gjegjan-Mirditë është 37 kilometër e gjatë, me një gjerësi 6 metër.

Qeveria Shqiptare përmes Fondit Shqiptar të Zhvillimit ka akorduar për këtë segment rrugore fondin prej 924.502.776 lekë. Investimi për rrugen e Gjegjanit pritet të përfundoj në harkun kohor të 18 muajve, ndërsa investimi do të realizohet nga Kompania “Alb Star”.

Sipas Bushatit, plot 5 milion euro janë investuar vetëm në bashkinë e Pukës. (D.D/Shuplaka)

[ngg_images source=”galleries” container_ids=”1781″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]