Kreu i qeverisë Edi Rama ka shpallur së fundi nismën më të re, ‘’100 fshatra turistikë”.
Në lidhje me këtë Rama ka deklaruar sot se për të gjithë investitorët privatë që do të ndërtojnë në “100 fshatrat” e zgjedhur do të kenë lehtësira të shumta nga qeveria, duke filluar nga TVSH-ja.
“Janë disa moment të rëndësishme që duhen ritheksuar që përfshijnë 4 ministri, me fokus ndërtimin e 100 fshatrave turistikë. Do të jenë 100 pika graviteti ku do të krijohen rrathë zhvillimi, që do të mbështesin edhe zhvillimin e agro-turizmit.
Ne kemi vendosur kaq shumë forca në 100 fshatrat. Komunikim intensiv me biznesin e madh për agro turizmin. Do të ketë lehtësia që lidhen me TVSH, programi do të jetë i limituar në kohë, jo i pafund. Kush do të dojë që të investojë do të ketë parasysh një periudhë 2-3-vjeçare, por që mbetet për t’u vendosur.
Fluks investimesh private për të ndërtuar bujtinat, fermat dhe gjithë strukturat e mikpritjes. Ministria do të jap certifikatë mbi bazën e të cilës do të merret mbështetja. Jo cdo investim do të quhet agro-turizëm” deklaroi ai.
(E.K/Faxweb)
Discussion about this post