Vajza e shkrimtarit Dritëro Agolli, Elona Agolli ka përshëndetur kreun e bashkisë së Tiranës, Erion Veliajn pasi ky i fundit ka mbledhur maturantët në Sheshin “Shën Tereza” dhe iu ka dhuruar libra të Dritëro Agollit. Kjo nismë e ka lumturuar së shumti edhe Elona Agollin e cila shprehet se “ky premtim u mbajt dheVeliaj dëshmoi se përveçse të qenurit i respektuar nga qytetarët pasi është njeriu i punës, është edhe i mençuri kryetar që lë gjurmë në respektin ndaj të mëdhenjve njerëz të kulturës, të punës së mendjes , të cilët kanë bërë që Shqipëria të ketë më shumë dritë.
“E mbi të gjitha , faleminderit . E di që më shpesh priret çdonjëri nga ne, për të kritikuar e vënë në pah të meta , e më rrallë të lëvdojë veprat e mira , fisnikërinë dhe mendimin e mirë të njerëzve pasionantë e bukur të gatuar siç është kryetari ynë, i pari qytetar i Tiranës, Erjoni .Nuk është e thënë të bësh shumë zhurmë , t’i biesh fort tam-tameve e të ndërtosh fjalime të gjata . Nuk është e lehtë të mbash edhe premtime , kur qyteti frymëmerr, gdhihet e ngryset , shumohet e pakësohet, e ai që ndjen më fort këto lëvizje është ai , i pari qytetar i Tiranës.
Ky premtim u mbajt dhe Erjoni dëshmoi se përveçse të qenurit i respektuar nga qytetarët pasi është njeriu i punës, është edhe i mençuri kryetar që lë gjurmë në respektin ndaj të mëdhenjve njerëz të kulturës, të punës së mendjes , të cilët kanë bërë që Shqipëria të ketë më shumë dritë.
Jam e bindur që do të pasohet vitet në vijim kjo nismë me të tjerë autorë të dhuruar , autorë që bashkarisht me Dritëroin kanë ditur të lëvrojnë artin e madh , kanë ditur të ndriçojnë në kohëra të errëta , kanë ditur të ngrejnë peshë në fluturim shpirtin e mjaft gjeneratave .
Faleminderit Erjon .” shprehet Elona Agolli.
n
Discussion about this post