Nisma për komisionin hetimor, Basha: Çfarë u varros në kasafortën e Ramës

Kreu i PD-së Lulzim Basha pas mbledhjes së grupit u shpreh se në Kuvend duhet të ngrihet një komision hetimor në lidhje me çështjen Tahiri.

Ai u shpreh se faktet në lidhje me drogën Edi Rama i ka varrosur në mënyrë që të shpëtonte veten e tij. 

“Ministria e Brendshme, ishin  në disponim zyrtar të informacionit për drogën që trafikohej në Shqipëri.

Dhe kjo bëhej drejtpërdrejtë me bekimin, rryshfetin nga kupola më e lartë e Policisë së Shtetit. Edi Rama, Saimir Tahiri e kanë pasur këtë informacion në tavolinë, nga SHISH, nga opozita dhe nga media.

Këto fakte janë të varrosura në kasafortën e kryeministrit, kjo është arsyeja pse Edi Rama ka shkelur rregulloren e Kuvendit duke e kthyer në Gjykatë.

Dua të shpreh mbështetjen time për të gjithë artistët, qeveria tashmë pasi tentoi të kapë sportin, tenton të kap edhe artin. Arsimi i lartë në vendin tonë ndodhet në kolaps, pasi ligji që u kalua ishte klientelist”, u shpreh Basha.

Po ashtu Basha tha se Kuvendi duhet të hetojë dhe ekstradimin drejt Italisë të Nazer Seitajt. 

(E.K/FAXWEB)